బ్రహ్మదేవుడు అమృత స్థానం గురించి చెప్పడం

Last visit was: Sat Nov 18, 2017 12:44 am

బ్రహ్మదేవుడు అమృత స్థానం గురించి చెప్పడం

Postby Narmada on Wed Feb 23, 2011 9:31 pm

వామన పురాణం - సరోవర మహత్మ్యం

బ్రహ్మోవాచ
యదర్థమిహ సంప్రాప్త భవన్తః సర్వ ఏవ హి ।
చిన్తయామ్యహమప్యగ్రే తదర్థం చ మహాబలా ।। 4.1 ।।
భవిష్యతి చ వః సర్వం కాఙ్క్షితం యత్ సురోత్తమాః ।
బలేర్దానవముఖ్యస్య యోऽస్య జేతా భవిష్యతి ।। 4.2 ।।
న కేవలం సురాదీనాం గతిర్మమ స విశ్వకృత్ ।
త్రైలోక్యస్యాపి నేతా చ దేవానామపి స ప్రభుః ।। 4.3 ।।
యః ప్రభుః సర్వలోకానాం విశ్వేశశ్చ సనాతనః ।
పూర్వజోऽయం సదాప్యాహురాదిదేవం సనాతనమ్ ।। 4.4 ।।
తన్దేవాపి మహాత్మానం న విదుః కోऽప్యసావితి ।
దేవానాస్మాన్ శ్రుతిం విశ్వం స వేత్తి పురుషోత్తమః ।। 4.5 ।।
తస్యైవ తు ప్రసాదేన ప్రవక్ష్యే పరమాం గతిమ్ ।
యత్ర యోగం సమాస్థాయ తపశ్చరతి దుశ్చరమ్ ।। 4.6 ।।
క్షీరోద్సయోత్తరే కూలే ఉదీచ్యాం దిశి విశ్వకృత్ ।
అమృతం నామ పరమం స్థానమాహుర్మనీషిణః ।। 4.7 ।।
భవన్తస్తత్ర వై గత్వా తపసా శంసితవ్రతాః ।
అమృతం స్థానమాసాద్య తపశ్చరత దుశ్చరమ్ ।। 4.8 ।।
తతః శ్రోష్యథ సంఘుష్టాం స్నిగ్ధగమ్భీరనిః స్వనామ్ ।
ఉష్ణాన్తే తోయదస్యేవ తోయపూర్ణస్య నిఃస్వనమ్ ।। 4.9 ।।
రక్తాం పుష్టక్షరాం రమ్యమాభయాం సర్వదా శివామ్ ।
వాణీం పరమసంస్కారం వదతాం బ్రహ్మవాదినామ్ ।। 4.10 ।।
దివ్యాం సత్యకరీం సత్యాం సర్వకల్మషనాశినీమ్ ।
సర్వదేవాధిదేవస్య తతోऽసౌ భావితాత్మనః ।। 4.11 ।।
తస్య వ్రతసమాప్త్యాం తు యోగవ్రతవిసర్జనే ।
అమోఘం తస్య దేవస్య విశ్వతేజో మహాత్మనః ।। 4.12 ।।
కస్య కిం వో వరం దేవా దదామి వరదః స్థితః ।
స్వాగతం వః సురశ్రేష్ఠా మత్సమీపముపాగతాః ।। 4.13 ।।
తతోऽదితిః కశ్యపశ్చ గృహ్ణీయాతాం వరం తదా ।
ప్రణమ్య శిరసా పాదౌ తస్మై దేవాయ ధీమతే ।। 4.14 ।।
భగవానేవ నః పుత్రో భవత్వితి ప్రసీద నః ।
ఉక్తశ్చ పరయా వాచా తథాస్త్వతి స వక్ష్యతి ।। 4.15 ।।
దేవా బ్రువన్తి తే సర్వే కస్యపోऽదితిరేవ చ ।
తథాస్త్వితి సురాః సర్వే ప్రణమ్య శిరసా ప్రభుమ్ ।
శ్వేతద్వీపం సముద్దిశ్య గతాః సౌమ్యదిశం ప్రతి ।। 4.16 ।।
తేऽచిరేణైవ సంప్రాప్తాః క్షీరోదం సరితాం పతిమ్ ।
యథోద్దిష్టం భగవతా బ్రహ్మణా సత్యవాదినా ।। 4.17 ।।
తే క్రాన్తాః సాగరాన్ సర్వాన్ పర్వతాంశ్చ సకాననాన్ ।
నదీశ్చ వివిధా దివ్యాః పృథివ్యాం తే సురోక్తమాః ।। 4.18 ।।
అపశ్యన్త తమో ఘోరం సర్వసత్త్వవివర్జితమ్ ।
అభాస్కరమమర్యాదం తమసా సర్వతో వృతమ్ ।। 4.19 ।।
అమృతం స్థానమాసాద్యకశ్యపేన మహాత్మనా ।
దీక్షితాః కామదం దివ్యం వ్రతం వర్ష సహస్రకమ్ ।। 4.20 ।।
ప్రసాదార్థం సురేశాయ తస్మై యోగాయ ధీమతే ।
నారాయణాయ దేవాయ సహస్రాక్షాయ భూతయే ।। 4.21 ।।
బ్రహ్మచర్యేణ మౌనేన స్థానవీరాసనేన చ ।
క్రమేణ చ సురాః సర్వే తప ఉగ్రం సమాస్థితాః ।। 4.22 ।।
కశ్యపస్తత్ర భగవాన్ ప్రసాదార్థం మహాత్మనః ।
ఉదీరయత వేదోక్తం యమాహుః పరమం స్తవమ్ ।। 4.23 ।।

ఇతి శ్రీవామనపురాణే సరోమాహాత్మ్యే చతుర్థేऽధ్యాయః


Topic Tags

Lord Vishnu, Saromahatmya, Vamana purana in telugu, Vamana puranam, Vamanavataram

  • NAVIGATION