అలంపురం జోగుళాంబ

Last visit was: Sun Oct 22, 2017 1:52 pm

అలంపురం జోగుళాంబ

Postby Siva on Fri Jan 30, 2009 6:15 pm

అలంపురం జోగులాంబ [ యోగులాంబ/యోగాంబ ] అష్ఠాదశ శక్తిపీఠాలలో ఒక శక్తిపీఠం.
సతీదేవి ఊర్ధ్వదంత పంక్తి ఈ ప్రదేశంలో పడింది. ఈమె బాల బ్రహ్మేశ్వర స్వామి శక్తి.

జోగులాంబ మహాదేవి / రుద్రవీక్షణ లోచన //
అలంపురీస్థితా మాతా / సర్వార్ధఫలసిధ్ధిద //


అలంపూర్ ఎక్కడ ఉంది?
అలంపూర్ > కర్నూల్ దగ్గర > మహబూబ్ నగర్ జిల్లా > ఆంధ్రప్రదేశ్
అలంపూర్ మ్యాపు చూడండి.

హైదరాబాదు నుండి కర్నూలు వెళ్ళే దారిలో కర్నూలుకి 12 కి.మి ముందు వచ్చే అలంపూర్ అడ్డరోడ్ నుండి 10కి.మి ఎడమకు ప్రయాణిస్తే అలంపూర్ అనే చిన్న గ్రామం వస్తుంది. ఈ గ్రామంలో వాయువ్య దిక్కున తుంగభద్రానది ఒడ్డున జోగుళాంబ అమ్మవారి గుడి ఉంది.

దగ్గరలోని బస్ స్టాండ్: అలంపూర్
దగ్గరలోని రైల్వే స్టేషన్: కర్నూలు
దగ్గరలోని ఎయిర్ పోర్ట్: హైదరాబాద్


 First Previous Next
Image
Image
Image
Image

జోగుళాంబ గుడి:
పాతకాలం నాటి జోగులాంబ గుడి 14 వ శతాబ్దంలో బహమని సుల్తాన్ల దాడిలో శిధిలమయినది. కాగా, అమ్మవారి విగ్రహాన్ని మరియు అమ్మవారి శక్తులయిన చండి మరియు ముండి విగ్రహాలను బాల బ్రహ్మేశ్వర స్వామి గుడిలో 2005 వరకు భద్రపరిచి ఉంచారు. ప్రస్తుతము శిథిలం కావించబడిన ప్రదేశంలోనే తిరిగి అమ్మవారి గుడిని పునర్నిర్మించారు. క్రొత్త గుడి చాల చక్కగా, అందంగా నిర్మించారు. అమ్మవారి గుడి చుట్టూ ఒక నీటి కోనేరు కట్టారు. ఆ గ్రామస్తులు చెప్పేదాని ప్రకారం జోగులాంబ అమ్మవారు చాలా ఉగ్రమయిన శక్తి స్వరూపిణి. కాబట్టి ఆ కోనేరు ఆమెను శాంత పరుస్తూంటుంది.
అలంపురం జోగులాంబ విగ్రహం చాలా విచిత్రం గా ఉంటుంది. ఈమె కుర్చోని ఉంటుంది. తలలో చాలా జుట్టు ఉంటుంది. ఆ జుట్టులో బల్లి, తేలు, గబ్బిలం మరియు మనిషి పుఱ్ఱె ఉంటాయి.
సప్తమాతృకల విగ్రహాలు, విఘ్నేశ్వరుడు, మరియు వీణాపాణి వీరభధ్రుడు విగ్రహాలు గుడిలో ఉన్నాయి. పూర్వకాలపు చండి మరియు ముండి విగ్రహాలు బాల బ్రహ్మేశ్వర స్వామి గుడిలోనే ఉంచారు. క్రొత్తవాటిని తయారు చేసి అమ్మవారి గుడిలో ప్రతిష్టించారు.
అలంపురంను City of temples అని పిలుస్తారు. ఈ ఊరులో పురాతనమయిన గుళ్ళు చాలా ఉన్నాయి. ఆ గుళ్ళు అన్ని కూడా శిల్పకళకు ప్రసిధ్ధి గాంచాయి. ప్రస్తుతం ఆ గుళ్ళు అన్నీ కూడా ఆర్కియాలజి డిపార్ట్ మెంట్ వారి ఆధీనంలో ఉన్నాయి. అన్ని గుళ్ళు కూడా తుంగభద్రా నది ఒడ్డున ఉన్నాయి. వాటిలో నవబ్రహ్మ ఆలయాలు మరియు కంచి కామక్షి అమ్మవారి గుళ్ళు ముఖ్యమైనవి.

మరిన్ని వివరాలకు ఇంగ్లీషులో రాయబడిన పేజీ చూడండి.

జోగుళాంబాష్టకం

Postby Srihari on Wed Feb 04, 2009 10:26 pm

జోగుళాంబా దేవి పూజ, ఉపాసనా విధానము, ఎక్కువగా, నిత్యనాథ సిద్ధునిచే రచింపబడిన రసరత్నాకరము అనే గ్రంథం నుండి స్వీకరింపబడినవి. కొత్తగా కట్టిన గుడి కూడా ఆయన తెలిపిన జోగుళాంబా పీఠ వివరణను అనుసరించే నిర్మించారు.

జోగుళాంబ అష్టకము :

మహాయోగిపీఠ స్థలే తుంగభద్రా తటే
సూక్ష్మ కాశ్యాం సదా సంవసంతీం |
మహాయోగి బ్రహ్మేశ వామాంక సంస్థాం
శరశ్చంద్ర బింబాం భజే జోగుళాంబాం ||
జ్వలద్రత్న వైఢూర్య ముక్తా ప్రవాళ
ప్రవీణ్యస్థ గాంగేయ కోటీర శోభాం |
సుకాశ్మీరరేఖా ప్రభాఢ్యాం స్వఫాలే
శరశ్చంద్ర బింబాం భజే జోగుళాంబాం ||
స్వసౌందర్య మందస్మితాం బిందు వక్త్రాం
రసత్కజ్జలాలిప్త పద్మాభనేత్రాం |
పరాం పార్వతీం విద్యుదాభాస గాత్రాం
శరశ్చంద్ర బింబాం భజే జోగుళాంబాం ||
ఘనశ్యామలాపాద సంలోల వేణీం
మనశ్శంకరారామ పీయూష వాణీం |
శుకాశ్లిష్ట సుశ్లాఘ్య పద్మాభ పాణీం
శరశ్చంద్ర బింబాం భజే జోగుళాంబాం ||
సుధాపూర్ణ గాంగేయ కుంభస్త నాఢ్యాం
లసత్పీతకౌశేయ వస్త్రాం స్వకట్యాం |
గళే రత్నముక్తావళీ పుష్పహారాం
శరశ్చంద్ర బింబాం భజే జోగుళాంబాం ||
శివాం శాంకరీం సర్వ కళ్యాణ శీలాం
భవానీం భవాంభోనిధేద్దివ్యనౌకాం |
కుమారీం కులోత్తారిణీమాదివిద్యాం
శరశ్చంద్ర బింబాం భజే జోగుళాంబాం ||
చలత్కింకిణీం నూపురాపాదపద్మాం
సురేంద్రైర్మృగేంద్రైర్మహాయోగిబృందైః |
సదాసంస్తువంతీం పరంవేదవిద్బి
శరశ్చంద్ర బింబాం భజే జోగుళాంబాం ||
హరేస్సోదరీం హవ్యవాహ స్వరూపాం
ప్రసన్నాం ప్రపన్నార్తి హంత్రీం |
ప్రసిద్ధాం మహాసిద్ధి బుద్ధ్యాది వంద్యాం పరేశీం
శరశ్చంద్ర బింబాం భజే జోగుళాంబాం ||
ఇదం జోగుళాంబాష్టకం యః పఠేద్వా
ప్రభాతే నిశార్థే2వా చిత్త శుద్ధిః |
పృథివ్యాం పరం సర్వభోగాంశ్చ భుక్త్వా
శ్రియం ముక్తి మాప్నోతి దివ్యాం ప్రసిద్ధః ||


Topic Tags

18 shaktipeethas, Andhra pradesh tourism, Meditation, Temples in Andhra pradesh, Tungabhadra river

  • NAVIGATION